USUARIOS
 MENU
europa

Europa

Ahojte-Oscar David Colorado-SVE en Eslovaquia

Ahojte!Pa parar un pocu esti mes, fixi la mio última parada en Dublín, de 4 díes.
Foi un pocu traumáticu'l primer día, dexara Bratislava pela mañana con 19º y al llegar a Dublín marcaba unos 8º, día buxu y lloviendo. Recordóme un pocu al nuesu paraísu asturianu.

Los dos primeros díes dediquéme a percorrer la ciudá. Básicamente faciendo free tours y caminando tol día. Escuché más castellán qu'irlandés o inglés mientres el viaxe.
Los siguientes díes visité les contornes de Dublín, Wicklow y Donabate.

De vuelta al trabayu, n'Ulita tuvimos delles xuntes d'equipu p'aldericar sobres les distintes actividaes pa mientres el branu.
El mio mes tuvo marcáu pola medra d'hores de deporte, agora voi un par d'hores más. Nun voi mentir, pero tán empezando a gustame los deportes con balones, siempre y cuando nun heba neños pegando fuerte al balón.
Agora mesmo tenemos un dilema na clas d'inglés yá que nun vienen neños a clas. Entiéndolos, con díes soleyeros y a cuasi 30º quién quier metese nun aula a falar un idioma qu'apenes entiende.

Alcordáisvos d'Asturianos en el mundo, de TPA? Pos acabé grabando una entrevistina pa un programa asemeyáu pero con estremeños y llámase Nadie como tú. Yéramos una navarra, una holandesa, un estremeñu y yo; como los chistes malos. Yá vos pasaré l'enllaz pa velu. Toa una obra de teatru mal executada.

Y como non, montamos la nuesa propia fiesta Eurovisiva, o otra escusa pa beber más. Di cuenta de que les nueves xeneraciones italianes nun teníen idea d'Eurovisión, yo nun soi un espertu pero fixi lo que taba al mio algame aquella nueche pa esplica-yos el por qué de too aquello. Dos eurofans más al bote.

 

                                

Los picnics tán convirtiéndose en toa una tradición dientro del grupu EVS que montemos pequí, pa dalgunos nun ye más qu'una escusa pa tirase nun prau y pasar la resaca.

Y pa terminar nada meyor que cuntavos que yá tenemos con (too porque lo diz el papel) un nivel A1 n'eslovacu. Tuvimos nuesa última clas la última selmana d'esti mes.Ahojte!    

<< volver

Te interesa

Junio y Julio - Zulema Molina desde Rep. Checa

Holi de nuevo, el día 9 de Mayo como pudísteis leer anteriormente me había aventurado a hacer un voluntariado en República Checa, 3 meses más tarde me teneis aqui de nuevo para contaros mi experiencia en este tiempo que llevo aquí.

Julio en Padova- Claudia González desde Italia

Ciao a tutti! Esta vez vengo de nuevo a contaros cómo ha ido mi mes de julio en Padova. El Festival de Sherwood se acercaba ya a su recta final, y tuve la oportunidad de entrevistar a una de las artistas más importantes del panorama italiano, Margherita Vicario, y posteriormente hice el...