El CMX aprueba'l presupuestu pa 2013

El Conseyu de Mocedá de Xixón celebró güei la so Asamblea Xeneral Ordinaria, na que sometió a alderique y votación ante les asociaciones miembru la xestión realizada pola Comisión Permanente escoyida'l 19 de mayu, presidida por Javier Suárez en representación de l'Asociación Xuvenil Estudiantes Progresistes. L'Informe de Xestión y la Memoria Económica salieron aprobaos col sofitu del 86,36% de los votos. Tamién el Presupuestu pal añu 2013 recibió'l 86,36% de los sofitos, que xube anguaño a 150.690,00 euros (83.215,86 euros en conceutu de gastos de personal, 19.500,00 euros en conceutu de gastu corriente y 47.974,14 euros destinaos a actividá).

L'Asamblea tamién aprobó por unanimidá la entrada d'una nueva entidá: l'Asociación Cultural Manumanué, que dedica'l so trabayu a l'animación sociocultural con infancia y que lleva venceyada al CMX dende l'añu 2008, momentu en qu'empecipió la so actividá na ciudá. Amás, aprobáronse cinco propuestes relatives al sofitu a el trabayadores del serviciu de reprografía de la Universidá d'Uviéu", "en defensa de les Empreses Públiques Municipales", "reconocencia del períodu democráticu de la Segunda República n'España", "por una Xusticia pa toos", y "pol empléu xuvenil calidable".