Vivienda refuga adelantrar el conseyu d'Emvisa pa informar sobre la so desapaición

El presidente del CMX pide al conseyu d'Emvisa "que nun sían cómplices de les actuaciones totalitaries de la Presidenta".

El Conseyu de Mocedá de Xixón recibió güei martes, 22 de xineru, respuesta de la conceyala de Vivienda, Lucía García, a la solicitú fecha pol so presidente, Javier Suárez, en relación a la convocatoria urxente del Conseyu d'Alministración de EMVISA realizada'l pasáu 16 de xineru. Nel curtiu escritu unviáu por EMVISA, Lucía García espón que'l pidimientu nun puede ser atendida yá que nun s'afai a lo establecío nel artículu 17 de los estatutos de la sociedá", nos que s'afiten que'l Conseyu va axuntar con calter estraordinariu cuando lo xulgue oportunu la Presidenta o la solicite un terciu de los miembros.

Suárez considera d'enorme gravedá ya irresponsabilidá que la Presidenta de EMVISA nun xulgue oportunu" axuntar al Conseyu d'Alministración de la Empresa cuando "auria día sí y día tamién na prensa los sos planes pa esaniciala". "Nun sé si tien mieu a dar información, si cree que la información pertenez-y y nun tien por qué dala a la dirección de la Empresa nun exerciciu de sectarismu y falta de tresparencia, o si a cencielles nun-y prúi trabayar", señaló Suárez, que considera reprobables cualesquier de les razones.

Ante la negativa de Foro a convocar el Conseyu nel que la Presidenta dea esplicaciones detallaes de les razones pa esaniciar EMVISA, lo mesmo que de los plazos y de les consecuencies que la decisión pueda tener nel empléu y na prestación de servicios, Suárez encamienta a los conseyeros del PP a "faer un exerciciu de democracia" y solicitar tamién ellos la convocatoria d'una xunta estraordinaria. "Pidímoslos que nun sían cómplices de les actuaciones totalitaries de la Presidenta".