El CMX niega que la Empresa de la Vivienda escareza de "función social" como asegura Foro

Javier Suárez reclamar la convocatoria del Conseyu d'Alministración de la Empresa na que la presidenta rinda cuentes detallaes del plan d'esmantelamientu apautáu col PP.

El presidente del Conseyu de Mocedá de Xixón, Javier Suárez, criticó güei les declaraciones del conceyal de Promoción Económica y Empléu, Fernando Couto, qu'aseguró que la Empresa Municipal de la Vivienda (Emvisa) "escarez d'una función social" polo "nun tien sentíu'l so caltenimientu".

Suárez afirmó que la función social d'Emvisa, marcada nos sos estatutos, sigue siendo tan vixente como cuando se creó, una y bones l'oxetivu de la sociedá ye "promocionar l'accesu a la vivienda a el xixoneses" por aciu distintes actuaciones. Suárez afirmó que "colos problemes d'accesu a la vivienda qu'hai en Xixón, les afirmaciones de Couto demuestren o bien que ye un ignorante o bien que ye un mentirosu. Y cualesquier de los dos ye reprobable pa daquién que gobierna la nuesa ciudá".

El CMX defende'l caltenimientu de EMVISA y la promoción y l'impulsu de la empresa, que desque Foru asumió'l gobiernu municipal arrenunció a realizar actuaciones empuestes a promocionar l'accesu a la vivienda como ye la construcción de vivienda pública.

A lo último, Suárez volvió reclamar la convocatoria del Conseyu d'Alministración de la Empresa na que la presidenta rinda cuentes detallaes del plan d'esmantelamientu apautáu col PP.