El CMX llanza una campaña de llucha contra'l SIDA #SerPositivo

L'oxetivu ye informar sobre les Infecciones de tresmisión xenital dende una perspectiva positiva empobinada a fomentar una sexualidá activa segura.

El Conseyu de Mocedá de Xixón (CMX), en collaboración cola sexóloga Soraya Calvo, pon en marcha una campaña de vídeos con motivu del Día Internacional de la Llucha contra'l VIH-SIDA coles mires d'informar y sensibilizar a la población nueva sobre la enfermedá y les Infecciones de tresmisión xenital dende una perspectiva positiva empobinada a fomentar una sexualidá activa segura.

Pa ello, el CMX creó una canal en YouTube al qu'a lo llargo de la selmana dirán xubiéndose los cinco vídeos que componen la campaña, que van ser espublizaos al traviés de les redes sociales sol hashtag #SerPositivo y cola que s'espera, d'una manera provocatible, xenerar entrugues y alderique en redol a los mensaxes sopelexaos na rede.