Los Alcuentros de Cabueñes 07 tienen abiertu'l plazu d'inscripción hasta'l 24 d'agostu

L'Alcuentru Internacional de Mocedá 'Cabueñes 07' tien abiertu'l plazu d'inscripición hasta'l 24 d'agostu. Los actos van tener llugar nel Centru de Cultura Antiguu Institutu de Xixón ente'l 24 y el 28 de setiembre.

La cuota p'apuntase ye de 41 euros, 82 con agospiu. Pa los portadores del carné mozu estes cuotes son de 21 y 41 euros respectivamente . Esti añu, na edición de los Alncuentros de Cabueñes 2007 va haber seminarios participativos y talleres prácticos, ente los que destaquen los seminarios 'Entendiendo la web social. Comunicación y participación na sociedá de la información', 'La mocedá énte los nuevos cambios nel Estáu de Bientar', 'El futuru d'Europa y el papel de los xóvenes na construcción europea' o 'Tiempu llibre y participación xuvenil: balance d'una década y retos de futuru'. Ente los talleres destaquen 'Pon un blogue na to vida', '¿Na to uiqui o na mía? Multimedia 2.0', 'Empléate n'Europa. Educación pa la participación', '¡Nun mos mires, xúnete!. Ferramientes pa la participación xuvenil', 'Ferramientes d'evaluación nos programes de mocedá' y un 'Taller de práctiques d'igualdá'.