USUARIOS
 MENU

Agenda de actividades

I Concursu Xixón Fala en 3

imagen
El concursu Xixón Fala en 3 va consistir nuna competición, n'asturianu dafechu, onde se va presentar un tema, una idea, una investigación, un proyeutu, un problema social, etc. con munchu procuru y cola mayor calidá llingüística posible énte un públicu non especializao, xeneralista y variao.
Van poder presentase a esti concursu persones mayores d'edá con esplicaciones comunicatives curties d'estremáu calter y que respuendan al enfotu del concursu.
Los temes a tratar nel concursu van tener un rexistru cultu o académicu: hai que lu respetar y preparar el tema acordies con ello.

Esti concursu ofrez a la ciudadanía una ocasión única pa perfeicionar les sos aptitúes de comunicación n'asturianu, pa emplegar l'asturianu en cualesquier estaya y rexistru y pa participar nun eventu col que van algamase cotes altes de prestixu y normalización en tola comunidá asturfalante.

No que cinca al públicu, ye una perbona manera d'abrir mires y d'averase a un conocimientu, anque seya esbozáu, de temes mui estremaos.

Los temes que se van presentardivídense en dos estayes:

  • A. Temes venceyaos a la cultura y la realidá asturiana
  • B. Temes de divulgación, non venceyaos únicamente a Asturies

L'actu públicu de presentación de los temes va ser el sábadu 15 d'avientu nel Salón d'Actos de la Escuela de Comerciu de Xixón (c/Tomás y Valiente, 1), a les 17.30 hores.

La preinscripción fadráse unviando un corréu electrónicu a llinguaasturiana_arroba_xixon.es hasta'l 10 d'avientu de 2018 (incluyíu).

Van concedese tres premios en cada estaya: 1erpremiu: 900 €, 2u premiu: 400 € y 3er premiu: 200 €.

Puedes consultar les bases nesti enllaz: basesFX3

<< volver

Te interesa

Curso de monitor de comedor y ocio

Organiza: Asociación juvenil Abierto hasta el Amanecer

Ocio Nocturno

Organiza: Asociación Juvenil Abierto hasta el Amanecer