USUARIOS
 MENU
europa

Europa

Ahojte-Oscar David Colorado-SVE en Eslovaquia

Ahojte!Pa parar un pocu esti mes, fixi la mio última parada en Dublín, de 4 díes.
Foi un pocu traumáticu'l primer día, dexara Bratislava pela mañana con 19º y al llegar a Dublín marcaba unos 8º, día buxu y lloviendo. Recordóme un pocu al nuesu paraísu asturianu.

Los dos primeros díes dediquéme a percorrer la ciudá. Básicamente faciendo free tours y caminando tol día. Escuché más castellán qu'irlandés o inglés mientres el viaxe.
Los siguientes díes visité les contornes de Dublín, Wicklow y Donabate.

De vuelta al trabayu, n'Ulita tuvimos delles xuntes d'equipu p'aldericar sobres les distintes actividaes pa mientres el branu.
El mio mes tuvo marcáu pola medra d'hores de deporte, agora voi un par d'hores más. Nun voi mentir, pero tán empezando a gustame los deportes con balones, siempre y cuando nun heba neños pegando fuerte al balón.
Agora mesmo tenemos un dilema na clas d'inglés yá que nun vienen neños a clas. Entiéndolos, con díes soleyeros y a cuasi 30º quién quier metese nun aula a falar un idioma qu'apenes entiende.

Alcordáisvos d'Asturianos en el mundo, de TPA? Pos acabé grabando una entrevistina pa un programa asemeyáu pero con estremeños y llámase Nadie como tú. Yéramos una navarra, una holandesa, un estremeñu y yo; como los chistes malos. Yá vos pasaré l'enllaz pa velu. Toa una obra de teatru mal executada.

Y como non, montamos la nuesa propia fiesta Eurovisiva, o otra escusa pa beber más. Di cuenta de que les nueves xeneraciones italianes nun teníen idea d'Eurovisión, yo nun soi un espertu pero fixi lo que taba al mio algame aquella nueche pa esplica-yos el por qué de too aquello. Dos eurofans más al bote.

 

                                

Los picnics tán convirtiéndose en toa una tradición dientro del grupu EVS que montemos pequí, pa dalgunos nun ye más qu'una escusa pa tirase nun prau y pasar la resaca.

Y pa terminar nada meyor que cuntavos que yá tenemos con (too porque lo diz el papel) un nivel A1 n'eslovacu. Tuvimos nuesa última clas la última selmana d'esti mes.Ahojte!    

<< volver

Te interesa

Celebrando mi cumpleaños- Judith Alvarez en Alemania

 Hallo!

Abandonar el verano siempre cuesta un poco, pero desde pequeña siempre hubo dos cosas que me motivaron para volver a la rutina: una volver a ver a mis compañeros de clase y otra mi cumpleaños!

Llegada a Eskola (septiembre)- Alba Villa desde Finlandia

Sinceramente llevo muchos días dándoles vueltas a esta primera entrada, no tengo muy claro qué contar ni cómo resumir este mes, así que creo que simplemente voy a empezar a escribir y veremos que sale de ahí.

Together in Diversity-Intercambio juvenil en Bulgaria (Karlovo)

Septiembre vino cargado de novedades y una de ellas consistió en que parte del Grupo de Salud e Igualdad participó en un Intercambio Juvenil en Karlovo, Bulgaria. En esta actividad participarón entidades de otros países como Rumania, Croacia, Portugal y la propia Bulgaría.

ENLACES