USUARIOS
 MENU
europa

Europa

Viajar sin parar-Oscar David Colorado-SVE en Eslovaquia

Entamé'l mes en Skopje! Decidíu a usar los díes llibres que nun usare busqué en xineru ciudaes que podría visitar...Atopé un vuelu por 30€, dir y tornar, a Skopje pa cuatro díes. 

Una vegada ellí, fixi un tour pela capital; pudi ver que la ciudá nun tenía una arquitectura o edificios que lu identificaren, asina que un día'l gobiernu decidió gastar millones d'euros en construyir edificios aleatorios nel centru de la ciudá. Los skopjanos nun taben bien acordies con la decisión asina que fixeron protestes mientres dellos díes, polo que la constructora nun pudo entamar coles obres, asina que decidieron faelo de nueche y arrodiaos por policíes.

Nun sé si sabéis sobre'l discutiniu que tienen agora col so nome; Grecia tuvo bloquiando la so entrada a la Xunión Europea porque nun-y gusta'l nome de Macedonia, pues bien, el gobiernu de Macedonia decidió poner metanes la plaza principal una estatua xigante del Gran Alexander pa fadiar a unos pocos en Grecia. El segundu día tuvi en Strumica, un pueblu pequenu al sur del país al cual alleguen munchos griegos cada fin de selmana por los sos casinos baratos. Tamién un pueblu poco avezáu a turistes colombianos, siempres m'entrugo por qué decidiera dir hasta ellí cuando hai meyores opciones.El tercer día tuvi en Kavadartsi o como lo llamen nel so pueblu vecín, el Pueblu con Semáforos. Caltienen una rivalidá por ello. 

El mio siguiente viaxe foi a les ciudaes de Vilnius, Tallinn, Helsinki y Berlín.Con una voluntaria d'otra organización atopamos una manera barata de faer esi pequenu viaxe en cinco díes por menos de 150€.Bien, volamos dende Bratislava hasta Varsovia por 9,99€ y dende ellí autobús nocherniegu hasta Vilnius por 16€, pasamos el día ellí. Una ciudá pequena, preciosa y onde podéis atopar La Republica d'Užopis (un barriu moderno de la ciudá), unu de los sos embaxadores ye un gatu.Dende ellí pillamos autobus nocherniegu hasta Tallinn por 10€. Pequena ciudá onde los sos ciudadanos declárense ateos pero entá asina tien un montón d'ilesies. Anguaño Chequia y Tallinn apuéstense'l primer puestu a país non creyente.

Al otru día garremos ferri hasta Helsinqui por 25€ (dir y tornar) Ellí tuviemos pocu tiempu yá que nun taba incluyida nel nuesu plan de viaxe orixinal pero nun pudimos aguantanos visitala por esi preciu. Qué dicivos... suponxe que Finlandia ye'l país mas feliz del mundu pero esi día naide sorría nin nada asemeyao, probablemente polos -11° de temperatura y ver la so mar conxelada nun-yos faía muncha gracia.Vuelta a Tallinn, volamos hasta Berlín por 26€ 

Equí tuvimos 2 díes y mediu. Fiximos un percorríu rápidu pelo más emblemático de la capital alemana en día y mediu yá que l'últimu día punxímonos malos y tuvimos que quedar nel hotel. 

La mio siguiente parada fueron 4 díes nel centru de Eslovaquia, na ciudá de Sabinov. El Mid-term llegare.Sabinov ye conocida por ser la ciudá con un Óscar (el premiu, sí) nuna plaza, tán bien arguyosos d'él. Ta nesta ciudá porque en 1965 la película Odchod na Korze ganó'l premiu a meyor película estranxera, ésta foi rodada en Sabinov. 

El seminariu... qué dicivos, ye un poco más de lo mesmo: falar de los tos proyectos, sentimientos y cartes a ti mesmu. El tercer día fiximos una escursión de 10 kilómetros dende Šarišské Michaľany hasta Veľký Šariš. Un camín llenu de torgues naturales: folla, nieve y cuestes, toa una aventura.

 

Y esti mes nun paramos, el siguiente viaxe: Roadtrip de 10 díes a les ciudaes de Viena, Budapest, Brno y Praga.Esto voi cuntarlo nel siguiente blogue! Ahojte!

<< volver

Te interesa

Junio en Leipzig -Luzia Carrero desde Alemania

Tras las dos semanas en cuarentena a finales de mayo después de volver de España volví al trabajo y a retomar un poco la vida social, dentro de lo posible. En cuanto al trabajo, estamos todos yendo al museo solo...

Vuelta a la normalidad-Alba Villa desde Finlandia

¡Hola un mes más desde Finlandia! En esta entrada del blog os voy a hablar un poco de la vuelta a la "normalidad" tras la cuarentena y las cosillas que he vivido durante este tiempo...

Otro descubrimiento en Asturias - Brenda Ns. desde Gijón

Hola a todos y todas,

Y una semana más que me acerca al final de mis aventuras en esta hermosa región que es Asturias. Así que lo estoy disfrutando y he ido a visitar la región para conocerla un poco. 

ENLACES