Bien, setiembre foi un poco caóticu col tema entamar horarios, pero nada que nun se solucione con una bona xestión.
La ONG cola que trabayo ye Ulita (significa conchina o pequeñu abellugu) déxovos l'enllaz a la so web por que lleais un poco sobre ellos, yo cuentu dende'l mio puntu de vista lo que faen.
Ulita ufierta a neños ente 4 y 25 años un pequeñu espaciu onde puedan esplayase sobre los sos problema o mieos, afayase nos sos raigaños y sentise arguyosos d'ellos, baillar, pintar, falar, cocinar o simplemente compañía.
Nos primeros díes simplemente dediquéme a reparar pol tema idioma. Yo, con traductor na mano, preguntába-yos si podía xugar con ellos y dempués de cinco o más minutos d'intentar pronunciar cinco consonantes siguíes y cara de nun sé qué tas diciendo, aceptaben. Nun me gusta'l fútbol y nunca xugué pero pa ellos ye'l meyor deporte del mundu, asina que nada, agora tolos llunes xuego al fútbol o dalgún otru deporte con una pelota.
Los martes tenemos dos clús, unu pa neños de 6 a 10 años qu'anguaño ta dedicáu al universu, y el segundu pa neños de 11 a 15 onde básicamente tratamos de faer realidá les sos lloques idees. El tema pa esti club ye cultura, asina que preparé una presentación sobre tradiciones, cultura y comida d'España y Colombia, y como-yos encanta cocinamos al rematar la presentacion, arepes y una tortilla de patates, la primera vegada que la faía y sorprendentemente salió bien (xuego cola ventaya de que nunca prebaron o vieron una, asina que... :-)
Los miércoles tán pa les xeres, yo entamé xugando xuegos de mesa n'inglés con dalgunos rapacinos pero al paecer dáseme bien y agora enseño a los más peques los númberos n'inglés.
Los xueves son pa los mayores, de 15 a 25 años, ye un pocu dici-yos que faigan lo que querais con respetu y ensin romper nada.
Como namás trabayo con Ulita les tardes busqué otros sitios nos que precisaran un poco d'ayuda:
Esti mes tocó los años 20, tou un ésitu: Decorar un poco'l salón, preparamos una presentación con datos interesantes y fiximos un xuegu de memoria con personaxes famosos, too esto con música de la dómina de fondu. Al final Elena y yo tratamos de baillar el míticu Charleston
Esti edificiu construyíu en 1923, solía ser un centru cultural pero espropióse demientres el gobiernu comunista y usáu como un pequeñu hostal, cine y dellos chigres. Güei día hai 3 chigres, l'hostal y l'espaciu más grande d'Eslovaquia pa conciertos. YMCA recuperó la propiedá fai 2 años y quieren convertir l'espaciu no que solía ser, asina que tartare de ayudar un pocu.
Y eso ye un poco lo que fadré esti añu, que toi seguru que tará apináu de sorpreses.Peru non tou ye trabayu....Ochobre: mes de folixes, conciertos, cine y guíes.
Esta es mi primera entrada en el blog en tres semanas y tengo la sensación de haber olvidado todo lo que he estado haciendo. Así que para poder escribir esta entrada en el blog, he tenido que repasar la galería de fotos de mi móvil para poder volver a recordar...
!Hola de Ola!
¿Por qué los gijoneses tienen los culos mojados? 😀
!Hola de Ola!
Hace poco alguien me dijo que "La casa de papel" - una serie española - está basada en el ataque al banco en Gijón en 1923. Mi estudio reveló que...